Shadow

Pag inspeksyon sa ambulant vendors suguran sang siudad

Antes pa man sang Masskara Festival sang nagligad nga Oktubre nagpatigayon sang inspection ang katapo sang City Health Office bahin sa food safety ilabi na sa mga food kiosk.

Gani luyag ni Councilor Claudio Puentevella nga ini ang liwat nga masuguran sa mga ambulant food vendor ukon ang mga kariton nga nagalibod sang pagkaon ilabi na karon nga nagahilapit ang bulan sang Paskwa.

Nagapati si Puentevella nga dapat mapangapinan ang publiko batuk sa mga nagapamentaha nga nagabaligya sang pan os nga pagkaon kaangay sang fried chicken nga nabakal sadto sang isa ka iloy sa gwa sang merkado.

Magluwas sa inspection sang ginatus nga nga mga ambulant vendors suguran man sang Local Market Committee ang validation kag accreditation sa mga street vendors.

Kabahin ini sang ordinansa nga gin author ni Councilor Celia Flor may kaangtanan sa pag regulate sang tanan nga vendors agud man mapangapinan ang ila palangabuhian kag mapaiway man ang pagsablag nila sa mga mayor nga dalan sa siudad.

Secured By miniOrangeSecured By miniOrange