Gobernador ang nagalaum nga mauntat na ang pagsarurot sang presyo sang kalamay kag tigayon nga liwat makabawi ang presyo.
Nagpanaog tubtob sa 2,500 pesos ang lkg sang kalamay sa karon.
Damlag pa nag panawagan na ang pila ka mga grupo nga mag patuman na sang tikang ang national government para ma aksyonan ang pagnubo sang presyo.
Para kay Governor Eugenio Jose Lacson, ang panawagan nga mismo ang gobyerno ang magbakal sang kalamay gikan sa mga producers ang medyo mabudlay bangud suno wala man sang kuhaan nga pondo ang national govenrment para diri.
Para kay Lacson dapat anay nga ipaiway ang ano man nga importation sa karon kag sa palaabuton.
Ika duha kun may excess gid man sa inventory, dapat mapangitaan sang paagi nga magamit ang amo nga inventory.
Sa ini nga pamaagi tigayon makaayo ang imbalance sa supply kag demand.
Kun mag sige ang pagnubo sa presyo, labi na nga nag mahal man ang inputs kasubong sang abono, ang produkto petrolyo padulong sa trucking services labing maigo ang mga small farmers.
Dugang pa sang gobernador wala man siya sang inside information nga may naga katabo nga manipulation sa presyo sa tunga sang spekulasyon nga may mga traders nga may kahilabtanan sa nagakatabo sa presyo.