Shadow

Pag-hire sang job orders sang Bacolod mangin apekatdo bangud gamay na lang ang pondo nga nabilin sa siudad

22 porsyiento na lang ukon may P153 milyones na lang sang P3.5 billion pesos nga annual budget sang siudad ang nabilin sa Benitez administration.

78 milyones pesos ang nabilin para sa City Mayor’s Office tubtob sa Disyembre gani posible maapektuhan diri ang hiring sang mga JO’s suno kay Atty. Lyzander Dilag,spokesperson ni Mayor Albee Benitez.

Dugang pa ni Dilag nga magamay ini kun ikumparar sa 82 milyones pesos nga nagasto sang Leonardia administration sa bulan sang Hunyo kag Mayo.

Nag issue man sang executive order number 3 kag 4 ang alkalde nga nagatukod sang task force nga magatutok batuk sa mga spaghetti wires kag pag-reconvene sang Bacolod Traffic Authority Council.

Samtang luyag ni Benitez nga tutukan ang mga merkado. Makita sa sini nga video gikan sa page ni Mayor Albee Benitez nga nag inspeksyon siya Domingo sang gab-i sa Bacolod Central Market kag iya naabtan ang tuman ka higko nga gwa sang merkado.

Maga-announce man ang alkalde sang pag appoint sang mangin katapo sang Bids and Awards Committee.

Secured By miniOrangeSecured By miniOrange