Ginasuguran na karon sang siudad ang pag-hire sang mga personnel nga magatal-os sa katapo sang Bacolod Traffic Authority Office kag Public Order and Safety Office nga nagpositibo sa drug test
Ginapatigayon na ang screening kag training para sa dugang nga mga traffic enforcers sang BTAO, subong man sa katapo sang POSO.
Suno kay City Administrator Pacifico Maghari, III, natalana man nga ipaidalom sila sa drug test antes makasugod serbisyo sa siudad. Naglab-ot sa 53 tanan ang nagpositibo sa drug test, kadam-an diri mga job order workers kag apat ang regular employee nga halin sa BTAO.
Ginapaabot naman ni Maghari nga sa natalana nga one stop shop program sang Bacolod City Police Office kag City Health Office maga-surrender ang mga nagpositibo sa drug test agud nga mapaidalom sila sa rehabilitation.
Damlag pa nagpaandam si BCPO Director Col. Noel Aliño nga kun indi mag-surrender sa ila ang 53 ka mga personnel magapatuman sila sang anti-illegal drug operation batuk sa mga nagpositibo sa drug test.