Pag gamit sang facemask ginduso sa konseho kabahin sang tikang batuk sa pertussis. Wala sang kumpirmado nga kaso sang pertussis sa Bacolod. Pero may pito na ka mga samples ang napadala sang Bacolod City Health Office sa Research Institute for Tropical Medicine agud ma-usisa ang suspected pertussis cases.
Ginpahayag ni Councilor Claudio Puentevella nga iya ginduso sa konseho ang paghaylo sa Department of Education sa pagbalik sang pag gamit sang facemask sa mga buluthuan. Ini kabahin sang tikang batuk sa makalalaton nga balatian.
Sa record sang CHO kalabanan sa mga pasyente nga gina monitor bangud sang suspected pertussis case mga menor de edad.
Gani nagapati si Puentevella nga dapat mapatuman ang pag gamit sang facemask para mapangapinan ang mga kabataan.