Pag gwa sulod sa evacuation center sa Himamaylan City ang gina istriktuhan lakip na ang pagbisita.
Wala man gintugutan nga mag interview ang katapo sang media, ginklaro sang alkalde nga wala sang news blackout nga gina patuman.
Sa evacuation center sa Barangay 1 sa Himamaylan City, indi basta nga may maka gwa ukon makasulod.
Sirado ang gate kag may mga nakabantay. Ginsiling ni Provincial Social Welfare and Development Officer Merle Garcia ang mga evacuees wala basta-basta gina tugutan nga mag biya sa site.
Magluwas nga importante suno sa iya, ang mga naga gwa ang gina pa lista. Ini bangud responsibilidad man sila sang tagsa ka evacuation center.
Nakapaskil man ang notice nga ang pagbisita wala na ginatugutan maglapaw las 7 sang gab-i.
Nagbisita si Gobernador Eugenio Jose Lacson upod sa mga opisyal sang DSWD sa pagpamuno ni USEC Vilma Cabrera sa mga evacuees nga yara sa Barangay 1 pero wala gintugutan ang katapo sang media sa pagsulod sa evacuation center.
Bisan pa ang pagkuha sang video kag litrato ginpauntat man.
Paathag ni Mayor Raymund Tongson, wala sang news blackout nga gina patuman.
Ongoing pa ang operation sang military kag ang amo nga protocol ang desiyon sang nagkalain lain nga ahensya sang gobyerno. Kun may luyag nga impormasyon yara siya, yara man ang dswsd bisan pa ang incident commander.
“We will have to understand nga there is an ongoing operation, even us don’t know the complete protocol of the military. What we’re doing right now is try to resolve the collateral damage, ang mga constituents nga naigo. Right now indi man ya nga may ara kita news blackout. You have the governor with you, the mayor with you, the incident commander can easily answer your questions and the DSWD people is represented by RD Nochete”, suno kay Tongson.
Sa phone interview kay B/Gen Inocencio Pasaporte iya gin klaro nga wala sila nagmando sang pagdumili sang media sa pagsulod sa evacuation center.
“Wala kami instruction for that, pwede kamo kasulod”, suno kay Pasaporte.
Ginsiling sang Regional Director sang DSWD Carmelo Nochete indi man sa ila nga talatapan naghalin ang amo nga mando. Ang Evacuation Center manager ang in-charge kag ini ang sa idalom sa LGU.
“Ang DSWD in-charge sa paghatag sang relief, we are coordinating with the LGUs. Pero as to the evacuation center, may evacuation center manager na sila. Kun indi man sila sa LGU, basi halin sa Red Cross”, suno kay Nochete.
Suno kay Governor Eugenio Jose Lacson sa iya nga paghinun-anon sa mga evacuees sila ang naga handom nga sa mas Madali nga panahon makabalik na sila sa ila nga mga puluy-an. Luyag man nila nga mapasiguro nga may nagakaigo nga assistance sila nga mabaton tubtob nga matugutan na sila makabalik sa ila ka puluy-an.
“What’s the sentiment of the evacuees here, they have one common sentiment. They want to go back to the areas where they live. But are willing to wait. They still have their full trust and confidence on the military”, suno kay Lacson.
Ginklaro naman sang mga opisyal nga humalin sang gin patuman ang evacuation, 3,000 tubtob 3,500 lamang ka mga persona ang nagdangat sa mga evacuation center. Ang masobra sa 18,000 ka damlag pa ginreport sang DSWD nga nag evacuate naga tumod sa kadamuon sang persona nga na apektuhan sang armed conflict. Suno kay Tongson ang mga apektado nga yara man ayhan sa evacuation center ukon naga pabilin sa ila nga mga sitio ang pareho nga nag baton sang assistance sa gobyerno.
Sa karon gina pasiguro sang DSWD national office, sa mando ni Sec Erwin Tulfo nga may na preposition na nga mga food ukon non-food assistance para ma handaan na enkaso nga mag lawig pa gid ang amo nga sitwasyon.
Suno kay Pasaporte padayon pa ang assessment kun tigayon na nga maka balik sa ila balay ang mga evacuees.