Luyag ni Princess Eleine nga isa ka stranded individual nga mahatagan sang paathag ang natabo kag ang pamaagi sang pagsugat sa ila gikan sa Tabuelan, Cebu sang lokal nga panguluhan sang Cauayan.
Ini suno sa iya ang rason, nga iya ini gin post ang insidente sa iya nga Facebook account.
Makit-an sa litrato kag video ang mga, suno kay Princess Eleine, LSI nga naga ginutok sa likod sang boom truck.
Las dose sang udto tubtob la una sang hapon sang Nobyembre 28, yara na sila sa puerto sang Tabuelan, Cebu, sandig man sa abiso sang lokal nga panguluhan sang Cauayan.
Las 8 sang gab-i na suno kay Princess Eleine nag-abot ang sugat nga wala nila ginalauman nga boom truck.
Las 3 sang kaagahon na sila nag-abot sa puerto sang Escalante, Negros Occidental, suno sa iya.
Gikan sa Escalante, nagsaylo sila sa bus nga amo ang nagdala sa ila pauli sa Cauayan.
Ang indi niya mahangpan nga sila ang ginpasakay nga naga ginutok, nga isa naman ka pagsupak sa physical distancing protocol, wala labot nga tuman pa kalawig sang ila nga pag-updanay sa amo nga boom truck.
Mas nabalaka siya sa iya para sa iya nga senior citizen nga iloy kag menor de edad nga hinabalos nga iya kaupod papauli.
Sa interview sang Digicast Negros kay Mayor John Rey Tabujara, lowered ang bus sang Cauayan, amo nga may kabudlayan rason nga boom truck ang gingamit sang Incident Management Team para makatabok sa Tabuelan.
Suno sa incident commander nga si Emman Jabasa, gin paigo nila ang mga LSI agudto isa na lang ka biyahe.
Iya ginsiling nga ang tanan mga LSI man kag ibutang man tingub sa quarantine facility.
Ang mga senior citiizen kag kabataan gin pasakay sa lain nga salakyan kag indi sa boom truck suno sa iya.
Subong nga aga magasapol ang alkalde angut sa natabo kag para mauisa ang mga alegasyon.