Shadow

Ceres Bus naga ayo nga liwat maka biyahe pa Dumaguete, Cebu kag Zamboanga

Vallacar Transit, Inc., karon ang naga propose nga liwat magbalik sang mga biyahe sini gikan Bacolod padulong Dumaguete, Cebu kag Zamboanga.

Suno kay Provincial Administrator Rayfrando Diaz, nagsapol na sila sa Vallacar Transit kag ginsiling sang tagdumalahan nga sarang nila mapatuman ang mga rekisitos sa ila nga pasahero nga gina hinyo sa idalom sang executive order angut sa pagpatuman sang uniform travel policy.

May mga bagay pa nga luyag mapat-od suno kay Diaz kasubong sang kadamuon sang pasahero nga sarang ma kasakay sa bus. Pero sa inisyal nga pagsugilanon, mangin point to point ang biyahe.

Magabutang man sang personnel sa terminal sang bus ang probinsya para mapasiguro nga ang mga maga abot nag comply sa requirements. Pero suno kay Diaz magapabilin ang voluntary swabbing kag quarantine para sa mga luyag sini.

Mahimo sini nga semana mapat-od na ang pagsugod sang biyahe para sa Bacolod-Cebu via Tabuelan kag San Carlos port, Bacolod-Dumaguete via Mabinay, San Carlos kag Bayawan, Bacolod-Zamboanga via Dumaguete, Bacolod-Canlaon via San Carlos kag La Castellana kag Sipalay City-Cebu kag ang mga pabalik nga ruta.

Ginahinyo man sang Vallacar ang endorsement sang probinsya sa LTFRB.

Secured By miniOrangeSecured By miniOrange