Shadow

Pag gamit sang mask, bonnet sang mga motorista ginadumilian sa M.Padilla

Pnp pabor sa ginapatuman nga ordinansa sa Moises Padilla batuk sa pag suksok sang mask, bonnet kag iban pa nga tabon sa guya.

Tuyo sini nga mapa hagan-haganang pagluntad sang kriminalidad sa banwa.

Istrikto karon nga gina patuman sa banwa sang Moises Padilla ang ordinansa nga gin pasar nga naga dumili sang pag suksok sang mask, bonnet kag iban pa nga mga tabon sa guya ilabi na sa mga motorista nga naga sulod sa banwa.

Ini ang gin pasar sang Sangguniang Bayan para sa seguridad sang mga pumuluyo kag agud mahagan-hagan man ang krimen sa banwa.

Pabor man ang Negros Occidental Police Provincial Office sa sini nga ordinansa.

Suno kay Lt Judesses Catalogo, PIO sang NOCPPO, dako ini nga bulig sa imbestigasyon sa mga kaso ilabi na nga mahapos ma-identify ang mga suspek kun wala nakatabon ang ila sini nga mga guya.

Ang local police sang Moises Padilla ang maga bulig man sa pagpatuman sang sini nga ordinansa. Paga dakpon ang maga lapas sini nga ordinansa.

Secured By miniOrangeSecured By miniOrange