Ipasiguro sang probinsya nga mapabilin kag masunod ang pag gamit sang face mask sa Kapitolyo.
Ini suno kay Negros Occidental Governor Eugenio Jose Lacson, nga nagsiling nga sa tion imando ang optional nga pag gamit sang face mask sa mga outdoor open areas ipatuman ini sang probinsya.
Ginapahnumdom naman ni Lacson ang publiko nga required sa gihapon ang pag gamit sang face mask indoors nga naga kasayuran nga sa kada pag gwa gikan sa tagsa ka puluy-an dapat sa gihapon mag dala sang face mask kay indi man malikawan nga ang mga padulungan nga duog indoors.
Nalakip na diri ang pag require sang pag gamit sang face mask sa Kapitolyo. Humalin pa man sadto naga salig ang probinsya sa ginapagwa nga polisa sang Department of Health kag sang National Inter-agency Task Force suno kay Lacson.
Pero karon nga saka panaog ang Covid-19 cases sang Negros Occidental suno sa gobernador luyag niya nga mas maga nubo pa gid ang kadamuon sang kaso.
Ginapaabot ang mas hugot nga monitoring kag seguridad sa tion sang MassKara Festival, wala labot sa pagdagsa sang mga bisita kundi pati man sa pag abot ni Presidente Ferdinand Marcos, Jr. kag iban pa gid nga mga dinapit nga bisita.