Nagapati si Mayor Albee Benitez nga ang election protest nga ginpasaka batuk sa iya ang indi na dapat seryosohon.
Amo nga iya naman ginapaabot ang pag dismiss sang Commission on Elections Second Division sang election protest nga gin-file ni anay Bacolod City Mayor Evelio “Bing” Leonardia nga iya nangin kasumpong sang tinalikdan nga May 9, 2022 national and local elections.
Nakasaad sa desisyon sang COMELEC Second Division nga ang petition ang ginbasura “for being improperly filed and for being insufficient in form and substance”.
Si Dr. Cris Sorongon nga spokesperson sang anay alkalde ang nagpahayag nga magapangita sila sang legal remedy para maangkon ang hustisya.
Pero para sa alkalde, malapit na lang ang 2025 elections gani mas nagakaangay nga tagaan na lang atensyon ang maayo nga panghimanwa para sa siudad.