Bacolod LGU nagklaro nga wala gin-cancel ang titulo sang nabakal nga duta nga karon nakapangalan sa siudad.
Ginpanginwala na City Legal Officer Karol Joseph Chiu ang mga nagalinapta nga post sa social media angut sa gina-alegar pag-cancel sang mga titulo sang nabakal nga 27 ektariya nga duta sang siudad sa Barangay Granada sa Bacolod.
Iya man ginklaro nga nakapangalan na sa siudad ang titulo sang propiedad.
Para kay Mayor Albee Benitez nga ang mga kasubong nga pagpang-atake paagi sa mga fake news ang indi na epektibo.
Pero ginahangkat niya ang katapo sang media nga mapabaskog pa ang mga tikang agud mapangapinan ang publiko batuk sa disinformation ilabi na nagahilapit ang adlaw sang pinili-ay.
Ginpaathag sang alkalde nga antes pa man nabakal duta sa idalom sang landbanking program nag-agi ini sa maid-id nga proseso.
Ang propiedad ang ginaplano tukuran sang animal shelter, patyo, BJMP facility, solar power farm, housing project kag iban pa.