Naglawig sang anum ka minutos ang pagbuga sang abo sang Bulkan Kanlaon sang Miyerkules.
Ginsiling ni Mari-Andylene Quintia ang resident volcanologist, 1:44 pm kahapon nagsugod sang pag buga sang abo kag naglawig tubtob 1:50 pm. Pero kay manipis man lamang ang pagbuga sang abo, wala sang may gin-report nga ash fall.
Ang ginbuga nga plume sini nagsaka sa tubtob 500 meters kag anum naman ka volcanic quakes ang na-record sa bulkan Kanlaon.
Sa gina paabot nga pagtupa sang mabunok nga ulan bwas, suno kay Quintia balantayan man ang posible landslide gikan sa bukid sang Kanlaon labi na nga damlag pa sang mag-igo ang bagyo Tino natabo na ini.
“Ang tan-aw naton kumbaga after Tino medyo nag panaog ang mga materials halin sa babaw sang bulkan. Ang ining materials nga ini pwede indi siya cause sang post eruption kundi ang mga landslide diri sa kilid sang aton bulkan. Kumbaga na scratch niya ang surface sang aton nga bulkan kag ang materials nag palanaog diri sa idalom. So gina bantayan naton kun sobra ka taas sang rainfall parehas sang natabo sang bagyo Tino ini siya pwede maka cause sang landslide sa area”, suno kay Quintia.*
[sibwp_form id=1]