Gina abi-abe ni Negros Occidental Governor Eugenio Jose Lacson ang pag appoint kay Pablo Luis Azcona nga isa ka Negrense, bilang Acting Administrator and Chief Executive Officer sang Sugar Regulatory Administration.
Sa gin pa gwa nga announcement sang Presidential Communications Office, si Azcona ang gin-appoint ni Presidente Ferdinand Marcos, Jr., bilang acting Administrator and CEO sang SRA sumugod Abril 20.
Suno kay Lacson, humalin pa man sang nabakante ang position ginalauman na nga isa man ka Negrense ang maga pungko.
Naga laum siya nga kun wala pa napun-an ang nabakante nga position isa pa gid ka Negrense ang maga pungko diri.
Nabakante ang position kasunod sang resignation sang Negrense man nga si David Thaddeus Alba may kaangtaanan sa iya nga ikaayong lawas. Gina congratulate man ni National Federation of Sugar Planters President Enrique Rojas si Azcona.
“While it’s common knowledge in the industry that a certain group pushed for Paul’s appointment, we are confident that his inherent concern for his fellow sugarcane farmers will take precedence over his loyalty to any person or lobby group”, suno sa pahayag ni Rojas.
Nagalaum man si Rojas nga maga introduce sang mga intervention si Azcona nga maka bulig pahagan-hagan sang epekto sang dry season sa mga tubo.