Indi na madayon pa ang pag pa rehistro para mangin partylist ang Abanse Negrense.
Ini suno kay Cadiz City Mayor Salvador Escalante, Jr., nga nagsiling man nga nag-lapse na ang filing para sa registration.
Pero ginsiling sang Regional Director sang Commission on Elections Atty Lionel Marco Castillano nga sandig sandig sa COMELEC Resolution 11204- deadline para sa registration sang partylist sa December 18, 2026.
Yara kay Escalante ang application kag ila nga kuntani gina kumbinsi si Governor Eugenio Jose Lacson nga maga tiglawas sini.
Pero suno kay Escalante indi na si Gov Lacson kay maga retire na ini. Yara na karon sa iya nga third and last term bilang gobernador sang Negros Occidental si Lacson.
Suno kay Escalante wala naman sang iban pa nga maga tiglawas sang Abanse Negrense bangud ini mismo ang na associate kay Governor Lacson.
Humalin sang pag pungko ni Governor Lacson sa iya nga katungdanan, na sentro na ang iya nga mga programa sa panghimanwa sa Abanse Negrense.
“Gina convince namon si Gov pero indi siya – indi ko ah, ma-retire na ko. Ang akon nabal-an daw nag lapse na, basi gin extend naman nila. Basta ang nabal-an ko nag lapse na. Indi si Gov. Gin hambalan ko lang gani si Atty Ray Diaz na i-file mo lang, kay te whoever is interested. Ang face sang Abanse Negrense daw is Governor Bong”, suno kay Lacson.
[sibwp_form id=1]