Luyag ni House Speaker Ferdinand Martin Romualdez nga magpatigayon sang congressional inquiry kun ngaa nag absent ang lima sa anum ka mga polide escorts ni Governor Roel Degamo sang Marso 4, ang mismo nga adlaw nga gin atake siya sa iya nga balay sa Pamplona Negros Oriental kag nag resulta sa pagkapatay sang walo pa gid ka mga persona.
Luyag sang kongresista nga mapa athagan kun ngaa dungan sila nag absent sa mismo nga adlaw sang assassination kag kun mapamatud-an nga may paghimbon sa tunga nila sang mga suspek dapat manabat ang mga ini.
Amo man sini ang Luyag matabo ni Senador JV Ejercito nga pa-imbestigahan ang lima sa anum ka mga pulis nga naka-assign kay Governor Degamo.
Sa twitter post ni Ejercito, ginpahayag sini nga wala maka-report ang lima sa anum ka mga pulis sa adlaw sang pagpatay kay Degamo.
Wala man nagapati ang senador nga natyempuhan lamang nga wala maka-report ang lima ka mga pulis sang amo nga adlaw.
Sang weekend may dugang mga mga army kag police nga gin deploy sa Negro Oriental para magpatigayon sang checkpoints.
21 ka mga checkpoints sang PNP kag AFP ang ipahamtang sa 3rd District sang Negros Oriental.
Ini para mag lagas man sa dugang pa gid nga mga suspek sa pagpatay kay Governor Roel Degamo kag walo ka iban pa nga tubtob subong nagapabilin nga at large kag para mabalik ang pagsalig sang mga pumuluyo sa gobyerno.
Sa press conference sang Sabado, ginsiling ni Department of National Defense Secretary Carlito Galvez, Jr. nga ginmando mismo sang presidente ang pagdakop sa 10 ka mga suspek sa pagpang atake.