Kun padayon nga maga sarurot ang presyo kalamay sa 2025, ini ang maga apekto sa ekonomiya sang probinsya.
Ini suno kay Negros Occidental Governor Eugenio Jose Lacson nga nagsiling man nga humalin sa pagnubo sang production ang may epekto na nga daan sa kita sang mga nagasalig sang ila nga palangitan-an sa tubo kaangay sang mga tapasero.
Indi man lubos nga mahangpan kun ano ang nag tuga sang price drop.
Sang Disyembre, si 5th District Representative Emilio Bernardino “Dino” Yulo ang nag panawagan sang congressional investigation sa gina siling “artificial drop” sa millgate sugar prices sa tuyo nga mapangapinan ang mga small marginalized farmers.
Iya ginsiling nga dapat usisaon ang mga factors sa likod sang price instability kag mapa sabat ang yadtong may katungdanan para kuntani mag pangapin sang mga sugar farmers kag kasubong man ang mga naga pamentaha sa sitwasyon.
Si Governor Lacson ang naga panawagan sang Sugar Regulatory Administration kasubong man sa mga sugar federation nga mag-isa ka kag mag buylog agudto mahatagan sang sabat ang gina atubang nga pag panghangkat karon sang sugar industry.