Ang padayon nga pagbalik sa sabak sang gobyerno sang mga anay rebelde naga pakita sang kadalag-an para sa kalinong.
Ini suno kay 303rd Brigade Commander, Col Orlando Edralin nga nag siling nga madamo pa gid sila sang nabaton nga feelers gikan sa mga gusto na magbalik sa sabak sang gobyerno.
57 ka mga former rebels nga sadto naga serbe nga regular nga katapo sang rebeldeng NPA kag Militia ng Bayan ang nagbaton sang tig 5,000 pesos kaina gikan sa Department of Social Welfare and Development kag food packs gikan sa gobyerno probinsyal bilang bulig sa ila nga pagbalik sa sabak sang gobyerno.
Suno kay Edralin ang ila nga seguridad ang isa sa mga pagpanghangkat nga gina atubang labi na nga sila ang gina target sang ila nga mga anay kaupod sa hublag.
Dugang pa niya ang military kag ang pulis ang naga hugpong para mapasiguro ang pag pangapin sa mga yadtong naga balik sa gobyerno.
Damlag pa, ang mga katapo sang Kapatiran ang nag pabutyag man sang kasubong nga kabalaka bahin sa ila nga seguridad matapos mag alegar nga sila ang gina surveillance sang mga katapo sang special partisan unit sang NPA.