Padayon ang pagpangita sa 23 anyos nga missing Negros Oriental.
Sa Tanjay City ginpadayon ang pagpangita sa missing nga 23 anyos nga si Kevin sa Hinutungan River.
Sa report sang DRRMO Tanjay City nakalab-ot na sila sa isa ka quarry site sa pagpangita sa biktima bangud may napanimahuan sa amo nga area.
Pati ang Philippine Army ang nagbulig na pangita kag ang tag iya sang quarry site ang nagpahulam na sang backhoe.
Ang biktima kag ang iya nga upod ang naga pangisda sa suba sa Barangay Mamburao, banwa sang Pamplona sang Oktubre 23.
Pero bangud sang mabunok nga ulan nagdaludo ang tubig sa suba kag na anod ang duha.
Ang isa nakaluwas samtang si Kevin na missing.
Nagapati ang rescuers nga nakalab-ot na sa Tanjay City ang biktima bangud naga angut diri ang suba sang Pamplona.