Nagalaum ang Progressive Alliance of Capitol Employees nga nga madugangan ang kantidad sang additional bonuses nga ila mabaton sini nga bulan sang Disyembre.
Suno kay Randy Peacita ang presidente sang PACE ang sigurado nila nga mabaton amo ang 30,000 pesos nga para sa CNA ukon Collective Negotiation Agreement.
Ang nabilin nga additional bonuses sa Disyembre ang iga announce ni Governor Eugenio Jose Lacson sa ila nga Christmas Party sa December 13.
Sang 2023 mga 55,000 pesos ang kabilugan nga additional bonuses nga nabaton sang regular kag casual employees sang Disyembre.
Suno kay Peacita nagalaum sila nga madugangan ang ila mabaton subong nga 2024.
“Kabay pa nga madugang-dugangan. Ga expect man ang tanan nga madugang-dugangan”, suno kay Peacita.
Samtang, padayon sila nga naga hulat sa guidelines sang PBB ukon performance based bonus.
Suno kay Peacita sa ila nga pagsugilanon kay Provincial Administrator Rayfrando Diaz, may pondo ang probinsya pero indi maka release tubtob may yara sang guidelines.
Ang pagkilala sang probinsya bilang Seal of Good Local Governance awardee basehan sang paghatag sang PBB.