Nagpadulong kaina sang aga ang chairperson sang Progressive Alliance of Capitol Employees sa National Bureau of Investigation agudto mag file sang reklamo angut sa gina alegar black propaganda batuk sa iya.
May gin hatag na nga ngalan si Engineer Ruben Diamante ang chairperson sang PACE sa NBI nga sarang makuhaan sang impormasyon bahin sa nagalapta nga mensahe nga naga guba sa tagreklamo.
Suno kay Diamante nagpadangat siya sang reklamo sa NBI agudto ma-trace ang responsable sa pagpalapta sang impormasyon nga naga pangguba sa iya.
Dugang pa niya ang natungdan nga persona ang makasiling kun diin niya nakuha ang nagalapta nga impormasyon.
Suno kay Jovel Aperio, NBI agent ipatuhoy nila ini sa Cybercrime Division sang NBI para sa technical examination. Sarang man maka hinyo sang bulig sang PNP anti-cybercrime group si Diamante suno sa iya.
Si Diamante ang naga pa re-elect sa naga padayon nga election karon sang PACE.
May walo ang naga papili para sa lima ka bakante nga position.