Shadow

PAATHAG | Mga dapat tandaan kun magbiyahe pa Iloilo

PCG file photo

Wala karon sang may ginapangita nga travel documents ang siudad sang Bacolod sa mga gikan sa iban nga bahin sang Western Visayas.

Pero may ginadihon karon nga pagsulundan ang Bacolod Emergency Operation Center para masiguro nga hilway sa COVID-19 ang mga naga inabot sa siudad.

Sandig sa Executive Order ni Bacolod Mayor Evelio Leonardia, wala na kinahanglan pa sang travel documents ang mga pumuluyo nga magapadulong sa Bacolod gikan sa Iloilo City.

Kinahanglan lang nila magpa rehistro sa BaCTrac system sang siudad para sa contact tracing kag mag fill up sang health declaration form.

Suno kay Vice Mayor El Cid Familiaran, kasubong man ini ang requirements bisan pa nagikan sa Iloilo province ukon bisan diin nga probinsya sa isla sang Panay.

Ini bangud nga yara karon sa modified general community quarantine ang ini nga mga probinsya gani mas manubo ang ila mga kaso sang COVID-19.

Suno kay Familiaran, “Kay mayor ya nga EO ya covers the entire region so wala kita ya sang requirement, wala kita gapangayo sang travel authority because the same quarantine status kita, in fact mas lower gani sila MGCQ sila ya eh kita ya GCQ in other words indi sila threat, kita ya ang may threat sa ila so why require them sang tanan nga requirements?”

Apesar sini ginpahayag naman sang executive director sang Bacolod Emergency Operations Center nga si City Administrator Em ang nga Nagadihon sila karon sang pagsulundan tuhoy sa mga travel requirements para sa mga gikan sa iban nga lugar para mapangapinan ang siudad batuk sa pagdamo na naman sang kaso sang COVID-19.

“It was learned nga kun kita ang nagakadto sa let say maagi kita Dumangas ro-ro manaug sa Dumangas may certain requirements sila that’s why ang committee on LSI, on APOR, together with ang committee on ROF nagmeet kahapon together with the EOC to discuss it we will be coming out, gina fine tune pa naton subong kag gina finalize ang mga discussion nga nahimo kahapon,” suno kay Ang.

Ginpahayag ni ang nga sa tion nga matapos na nila ang travel guidelines para sa mga naga inabot sa siudad iga-rekomendar ini nila kay Bacolod Mayor Evelio Leonardia agud nga mahimuan ini sang executive order.

Secured By miniOrangeSecured By miniOrange