Sang Miyerkules, ginkawat ang duha ka mga shih tzu nga sanday Sashi kag Zoey mga alas una sang udto sa may Villa Estefania Phase 2 sa Barangay Estefania sa Bacolod. Isa ka tuig kag siyam ka bulan pa lang ang duha ka mga ido.
Nakalab-ot sa igtalupangod sang tag-iya sang amo nga mga missing nga mga ido nga gina libod baligya ang kinawatan nga mga ido sa may Malaspina sa Barangay Villa Monte sa Bacolod sang Huwebes sang hapon.
Ang suspek nga naga libod sang mga ido naga sakay sa color orange nga tricycle. Ang halos bilog nga sidecar color orange.
Duha ka mga lalaki ang naga libod sang mga ido.
Ang naga bitbit sini naka jacket, naka helmet, naka shades kag may tabon sa baba.
Gani panawagan sang dog owner kun kamo ang may nakita nga amo sini nga tricycle nga naga baligya sang ido makig angut gilayon sa PNP para mabalik na ang mga ido sa tag-iya kag makasuhan ang kawatan.