P8M nga balor sang ginasuspetsuhan shabu nakuha sa mga drug operation humalin kagab-i tubtob kaina sang aga.
500 grams sang suspected shabu ang na-recover sang City Drug Enforcement Unit kag Police Station 8 sa drug buy-bust operation pasado las nuebe sang kagab-i sa Purok Hollow blocks, Barangay Singcang-Airport siudad sang Bacolod.
Ang subject sang operation ang gin kilala kay Kenn Tecson alyas “Biboy” , kag residente sang Paho Street, Capitol Heights Subdivision sa Barangay Villamonte.
Nakuha kay Tecson ang walo ka mga pakete sang suspected shabu nga gina bulubanta nagabalor 3.4 milyones pesos.
Pasado la una sang kaagahon isa pa gid ka buy-bust operation ang ginpatgayon sang PoliceStation 2 sa Purok Rose, Barangay 9 sa Bacolod nga nagresulta sa kay alias Elizabeth kag alias Jupet.
Nakuha sa ila ang may kapin sa tunga sa kilo man nga suspected shabu nga naga balor sang P3.4M.
Samtang na-recover naman sang katapo sang Philippine Drug Enforcement Agency (PDEA) Region 6 kaupod sang Bacolod City Police Station 1 ang P1.2M nga balor sang suspected shabu matapos nga ginserbe ang search warrant pasado las-9 sang aga, sa Prk. Boulevard, Brgy. 14 siudad sang Bacolod.
Subject sang operation si Ruffert Jake Martir, ginakabig nga regional high value target drug personality.
Nakuha ang bulto-bulto nga plastic sachet sang ginapatihan shabu nga nagabug-at naman sang 180 grams.
Ang nagkaladakpan pasakaan ang kaso nga paghupot kag baligya sang iligal nga droga.
Suno sa PNP, ang sunod-sunod nga operation ang kabahin sang ginahimo nga tikang sang PNP para mapatuman ang kalinong sa tion sang MassKara Festival.