8.6 million pesos nga balor sang corrugated sheets ukon sin ang gin panagtag sang probinsya sa mga apektado sang bagyo Odette sa banwa sang Hinigaran.
Suno kay Negros Occidental Governor Eugenio Jose Lacson ini ang katapusan nga pagpanagtag sang probinsya karon nga maga sugod na sa Biernes, Marso 25 ang pag patuman sang Comelec sang banning period.
Suno kay Lacson kun may mabilin pa man nga inugpanagtag kag kun kinahanhlan pa, patigayunon naman ini pagkatapos sang banning period.
Tig anum ka panid sang corrugated GI sheets, food packs kag banana seedlings ang nabaton sang mga phmuluyo sang Hinigaran.
Sa kabilugan may mga 60 million pesos na ang balor sang bulig nga na release sang probinsya, sa mga Odette victims sa nagkalain lain nga mga banwa kag siudad sa idalom sa rebuild and restore program sini.
Gina hulat pa sa gihapon sang probinsya kun bala madala sa exemption sa banning ang 94.6 million cash assistance sang national housing authority para sa Odette victims.
Kun may exemption gid man kag tigayon na nga ma comply ang requirements suno sa gobernador indi na siya mag upod sa pag panagtag sini agudto indi na siya isyuhan pa nga nag pamentaha diri para sa iya kampanya.