Na recover sa buybust operation kaina sang kaagahon sa Purok Bolinao, Barangay 1 ang 1,250 gramos sang gina suspetsahan shabu. Ini ginabulubanta naga balor sang 8.5 milyones pesos.
Dakop sa buybust ang mag live in partner nga sanday Alvin Cristales kag Regina Escosio. Lunsay mga high value individual ang mga ini suno sa pulis kag sadto naman nga naaresto may kaangtanan sa iligal nga droga.
Suno sa PNP, posible nga para na sa Masskara Festival ang nabawi nga shabu bangud sa yara na kita sa karon sa kasagsagan sang selebrasyon. Detained sila karon kag kaso nga pag lapas sa RA 9165 ang ipasaka batuk sa ila.