Ang composite team sang Bureau of Customs upod sang PNP kag mga lokal nga opisyales sang barangay ang nag panguna sa pag usisa sang isa ka storage facility sa Barangay Villamonte kun sa diin na confiscate ang mga na pack nga ukay ukay ukon mga usado nga bayo, sapatos, bags, kag iban pa.
Ginabulubanta 7 milyones pesos ang balor sang ukay-ukay nga na confiscate sang BOC sa barangay.
Ini isa ka paglapas sanng Republic Act 4653 ukon ang pag dumili sang commercial importation sang used clothings agud ma seguro ang ikaayong lawas sang publiko.
Padayon ang pag pangusisa sang BOC may angut diri kag posible nga pasakaan sang kaso ang tag iya sang mga items.