Kapin 100 gramos ukon P680,000 nga balor sang ginasuspetsuhan shabu ang na-recover sa 24-anyos nga subject sang buy-bust operation sa Purok Kabuhi, Barangay 10 sa syudad sang Bacolod, Lunes nga adlaw.
Gindakup sang mga operatiba sang City Drug Enforcement Unit si Joselito Torillo, nga ginakabig High Value Individual kag nakuha sa iya ang walo ka sachets sang ginasuspetsuhan shabu, nalakip na ang buy-bust item kag P500 nga marked money.
Magapangatubang ang subject sang kaso nga paglapas sang Republic Act 9165 ukon Comprehensive Dangerous Drugs Act of 2002.