Isa ka high-value target ang nadakpan kag nakuhaan sang P6.8 Million nga balor sang suspected shabu sa Bacolod City sang weekend.
Ginatigana kuntani ang ini nga suplay para sa palaabuton nga MassKara Festival, suno sa report sang Police Regional Office-Negros Island Region.
Ginpatigayon ang buy-bust operation sang katapo sang City Drug Enforcement Unit sa Islamic Center, Purok Fatima, Barangay 31 sa Bacolod sang Sabado, Setyembre 19.
Ginkilala ang gindakop kay alyas “Jak”, 25-anyos.
Suno sa pulis, wala sa listahan sang Barangay Anti-Drug Abuse Council ang subject apang makabig siya nga HVI bangod sa bulto sang illegal drugs nga nakuha sa iya.
Ginabulubanta isa ka kilo ang ginasuspetsuhan shabu nga na-recover sa subject.
Base sa intelligence report sang pulis, gin-deliver ang droga sang source ni alyas “Jak” gikan sa Lanao kag Marawi.
Gindayaw ni Bacolod Mayor Greg Gasataya ang Bacolod City Police Office sa ila dako nga drug recovery.
[sibwp_form id=1]