Kapin P5M nga balor sang shabu na-recover sa buy-bust operation sa Barangay 30 sa Bacolod. May isa pa lang ka tuig ang nagligad sang maka gwa sa bilangguan ang high value individual nga si Marlon Pango sang Barangay 30.
Pero kaina lang sang kaagahon liwat siya nga gindakop sa buy-bust operation sang katapo sang City Drug Enforcement Unit sang BCPO sang gin-alegar makuha sa iya ang kapin 640 grams sang suspected shabu.
Nagabalor ini sang kapin P4.2M pesos.
Suno kay CDEU Chief Police Captain Joven Mogato, katapo sang Caunda drug group ang suspek nga responsable man sa illegal drug trade sa Bacolod kag probinsya sang Negros Occidental.
Kumpyansa ang kapulisan nga sa dalayon ang anti illegal drug operation matigayon nga matikma ang lider sang nabilin nga drug group sa siudad.