Isa naman ka panibag-o nga kaso sang robbery hold-up ang nag luntad kagab-i sa Barangay Camugao sa Kabankalan kun sa diin mag live in partner ang nabiktima.
Sa imbetigasyon sang Kabankalan PNP, naga pungko lang sa gwa sang ila balay ang duha ka biktima sang mag abot ang mga armado nga suspek kag gin tayaan sila sang armas.
Ginpasulod sila sa balay kag gin kuha ang ila sini nga kwarta.
Kapin 400,000 pesos tanan nga cash ang nakuha sang mga suspek suno sa pulis kag 1 ka cellphone.
Ginalantaw sang pnp nga posible ang mga suspek amo man ang may kahimuan sa mga kaso sang robbery holdup sa siyudad.