Martes sang gin-aprobahan sang Monetary Board ang loan agreement sa tunga sang Bacolod kag Development Bank of the Philippines matapos nga gin follow-up ni Mayor Albee Benitez.
Suno kay Councilor Thaddy Sayson, pamuno sang Committee on Finance and Appropriation sang konseho talakayon karon sa session ang pag-hatag aproval sa development project sang siudad nalakip diri ang pagpondo sa landbanking program para sa sanitary landfill sa Brgy. Felisa, legislative building kag rehabilitation sang City Health Office.
Pinaagi sa appropriation ordinance madasun nga patigayunan ang bidding para sa tatlo sa pila lang ka mga priority projects sang siudad.
Nalakip man sa pagapondohan nga mga proyekto sa idalom sang loan agreement ang pagkaayo sang daan nga city hall, underground cabling project, solar lighting project kag computerization program para mapasanyug pa ang serbisyo sang local government unit.