Halin sa P5.5B nagnubo sa P4.441B ang hulamon nga kwarta sang Bacolod City Government sa DBP base man sa napirmahan nga kasugtanan sini lang nga hapon sa Bacolod City Government.
Suno kay Councilor Thaddy Sayson, pamuno sang Committee on Finance sang konseho ang buhin sa ginduso nga loan agreement ang tuga sang epekto sang reduction sa National Tax Allotment sang siudad.
Ang pondo gikan sa loan agreement ang gamiton sang siudad sa malapit 20 ka mga development projects, nalakip diri ang pagbakal sang duta para sa igatukod nga patyo kag expansion sang sanitary landfill sa Barangay Felisa.
Diri man manggikan ang pondo para sa ginadihon nga lima ka mini hospitals, pagtukod sang bag-o nga mga merkado, underground cabling system, legislative building, rehabilitation sang daan nga city hall pati na mga dalan kag drainage sa siudad kag iban pa nga infrastructure projects.
Ang loan agreement ang natalana nga iga-ratify sang konseho.