Sa video nga kuha ni Bryan Guevarra makita nga naga kinaran-karan ang mga pumulyo samtang naga daba- daba ang ini nga balay.
Ginatunghuaan sang mga bombero nga mapalong ang kalayo.
20 tanan ka mga pamilya ang nadulaan sang puluy-an sa sunog nga nagluntad sa compound sa sulod sang home for the blind sa Barangay Mansilingan siudad sang Bacolod, Sabado sang hapon.
Suno kay SFO4 Jerick Barbas, Deputy City Fire Marshall sang BFP Central Office, tatlo ka mga puluy-an nga himo sa madasig masunog nga mga bagay ang naubos tupok sang kalayo samtang duha naman ang partially damaged.
Dugang pa ni Barbas, ang sunog nagsugod sa puluy-an ni Antonietta Florogo kag naglapta sa iban nga pamalay. Naglambot na man sa 4.3 milyones pesos ang kahalitan sang sunog nga naglawig sang 22 minutos.
Wala sang may napilasan sa sunog kag karon temporaryo nagatiner ang apektado nga pamilya sa Barangay gymnasium.*
Ginbisita ni Mayor Albee Benitez ang mga nasunogan Sabado sang gab-i para mapasiguro nga nahatag sang DSSD kag DRRMO ang ila nga mga kinahanglanon.
Suno kay Punong Barangay Franz Tiongco, ginatun-an nila ang pagpatukod sang isa ka livelihood center para sa mga visually impaired nga mga pumuluyo sa home for the blind.