Bag-o naman nga 69 megawatt peak Solar Power Plant ang ginatukod sa karon sa Brgy E. Lopez sa siudad sang Silay.
Kaina sang aga ginpatigayon ang groundbreaking para sa phase 2 ukon ang Citicore Solar Negros Occidental 2, ang expansion sang phase 1 sang Solar Power Plant sang Citicore Renewable Energy Corporation (CREC). Suno kay Oliver Tan ang Presidente kag Chief Executive Officer sang CREC, ang proyekto nga isa ka solar PV plus battery ang pinaka una sa Negros. Nagakasayuran nga sila ang makatigayon deliver sang kuryente bisan pa sa gab-i. Ilakip ang 25 megawatt peak sa una nila nga solar farm nga gintukod sang 2015 gina lantaw nga maga dangat sa 94 megawatt ang total nila nga ma-deliver nga solar energy. Ginapaabot nga mahuman ang proyekto antes matapos ang 2024 ukon early 2025. Mangin isa man ka agro-solar ang proyekto kun sa diin upod sa mga mangunguma tugotan ang pagtanom sang rootcrops sa idalom sang mga solar panels.
“Ang tinatayo namin, sampung projects, isa to kasama doon, totalling 1,000 MW sabay-sabay yun. Meron kami sa Batangas, sa Pangasinan, sa Pampanga, dito, sabay-sabay yun, matatapos within the year in support of the DOE transition into renewable energy”, suno kay Tan.
70 hectares ang gin-lease sang Citicore para sa phase 2 sang ila nga proyekto.
Gina abi-abi ni Silay Mayor Joedith Gallego ang proyekto nga gina paabot maga hire sang 500 tubtob 700 ka mga trabahador sa construction stage kag mga 30 naman ka empleyado kun mangin operational na. Samtang, ginalantaw man ang mahimo pagsupply sang solar energy sang Citicore sa Silay City Hall. Suno kay Gallego ang combined energy gikan sa CENECO kag Citicore ang proposal pa lamang.