33 pesos tubtob 40 pesos nga saka sa sweldo sang mga mamumugon sa kada adlaw ang gin-aprobahan para sa Western Visayas.
1,000 pesos naman nga saka para sa sweldo sang mga kasambahay.
Ginsiling ni Atty Sixto Rodriguez ang regional director sang Department of Labor and Employment 6, nga gin-aprobahan sang Regional Tripartite Wages and Productivity Board ang 33 pesos nga saka para sa mga non-agricultural businesses nga may masobra sa napulo ka mga trabahante.
Sa karon ini sila ang naga baton sang 480 pesos gani mangin 513 pesos na sa kada adlaw suno kay Rodriguez.
35 pesos naman ang gin-aprobahan para sa non-agricultural businesses nga may napulo kag paidalom nga mga trabahante.
Gikan sa 450 mangin 485 pesos na ang ila nga pang-adlawan.
40 pesos naman ang gin-aprobahan nga saka sa mga agricultural workers nga karon naga baton sang 440 pesos nga minimum wage.
Nagakasayuran nga 480 na ang ila nga pang adlawan.
Sa mga kasambahay 1,000 pesos nga saka ang gin-approve gani ang bulanan nga sweldo nila mangin 6,000 pesos na.
Ang approved wage order ang iga submit sa National Wages and Productivity Commission para review suno kay Rodriguez sa pag pasiguro nga na comply ang tanan nga basic requirements.
Maga take effect ang wage order 15 days matapos ang publication ukon mismo sa Nobyembre 16 ukon pag katapos sini.