Masobra man sa 71 tons ang nakakas nga mga spaghetti wires ukon mga nagalinambod kag indi na magamit nga cable wires sang telco’s ang nakuha sang Task force spaghetti wires humalin sang Oktubre.
Suno kay Councilor Al Victor Espino, sarang mabuhinan ang problema sa spaghetti wires kun matigayon na ang ginadihon nga underground cabling system.
P300 milyon nga pondo para sa construction sang underground cabling system ang igaduso ni Espino sa iga file nga resolution sa konseho.
Tuyo ni Mayor Albee Benitez nga paagi sa underground cabling system makaganar sang dugang nga income ang siudad bangud magabayad ang telco’s para sa access.
Suportado naman sang mga tiglawas sang telco ang proyekto sa pagpati nga sarang man mapaiway ang mga disturbance sa internet kag communication lines pati na sa mga power lines kun may kalamidad kasubong sang bagyo.