Trenta pesos nga saka sa daily wage ang gin aprobahan sang Regional Tripartite Wages ang Productivity Board para sa domestic workers sa Western Visayas.
Ini ang maga take effect November 16.
Pero para sa tiglawas sang labor sa RTWPB nga si Wennie Sancho ang 30 pesos nga saka ang kulang.
Suno kay Sancho sang June 5, 2022, P55 nga saka sa daily wage ang gin aprobahan gani kasubong lamang nga nabuhinan ang purchasing power sang mga workers.
Pero, iya man ginsiling nga kay may saka nga na approve maayo naman lang nga may ara.
“Now to issue a lower wage order would errode the purchasing power of the workers. At any rate mas mayo na lang na nga may wage order nga 30 pesos sang sa wala, but then they should have implemented retroactive”, suno kay Sancho.
Indi naman sila mag file pa sang appeal bangud mabudlay na ang amo nga tikang para sa ila.
Samtang, indi pabor ang bahin sang management sa amo nga approval suno kay Frank Carbon ang Chief Executive Officer sang Metro Bacolod Chamber of Commerce ang Industry.
May kapaltahan ang amo nga layi suno kay Carbon kay suno sa iya ang mechanism pabor lamang sa labor kag wala nahatagan ang productivity side.
Bilang mga negosyante, kuntani mahatagan man ang bahin sang sales sang assistance sang gobyerno para man magtin-ad ang negosyo kag masarangan ang bisan pa tuigan nga saka sa sweldo nga gina patuman.
“On the productivity side wala mechanism ang law kun paano kami ma increase naman ang amon nga sales. Luyag nila nga magasto lang nga magasto kami sa increase sa wages. What about our sales kay dira kami gakuha sang wages namon. But there’s no mechanism there”, suno kay Carbon.
Sang 2022, napatuman ang pinaka mataas nga saka sa daily wage suno kay Carbon.