Ginabulubanta nga yara sa P2,040,000.00 nga balor sang gina suspetsuhan shabu ang narecover sa joint drug buy-bust operation sang City Intelligence Unit sang Bacolod City Police Office kag Police Station Number 8 batuk sa tatlo ka persona sa Purok Roadside, Barangay Tangub, siudad sang Bacolod sang Sabado sang gab-i.
Gin kilala ang mga nagkaladakpan nga amo sanday Jerome Paurillo, iya live-in partner nga si Aive Jean Colonia kag Lloyd Paul Toculan.
Suno sa CDEU, ang mga subject ang miembro sang Bugalon Drug Group nga amo ang gina patihan major supplier sang ilegal nga droga sa Bacolod kag Negros Occidental.
Arestado ang duha ka mga persona matapos nakuhaan sang masobra sa P1.7M pesos nga balor sang suspected shabu sa drug buybust operation sang Special Operations Unit 6 sang PNP Drug Enforcement Group kag Police Station 8 sa Brgy Singcang-Airport sa Bacolod, Domingo sang kaagahon.
Ang mga naaresto amo sanday Marivic Montes kag Ray-An Espinosa sang Purok Uno Sisi Brgy Singcang-Airport.
Suno kay P/Maj. Eugene Tolentino, nakuha kay Montes kag Espinosa ang onse ka bulto kag tatlo pa ka knot tied transparent plastic sachets sang suspected shabu, ginabulubanta nga naga bug-at sang 255 grams ang kag may Standard Drug Price nga 1,734,000.00.
Sanday Montes kag Espinosa ang detained karon sa custodial facility sang Police Station 8.