Nagabalor sang 3.3 milyones pesos ang ginasuspetsuhan shabu nga nakuha sa isa ka babaye sa drug buy-bust operation nga ginpatigayon sang Bacolod City Drug Enforcement Unit sa Purok Tangkong, Barangay 7 sa Bacolod sang Sabado sang kaagahon.
Ang nadakpan ang ginkilala ka Danelyn Lopez, 33 anyos, kag ginakabig nga High Value Individual sang PNP.
Nakuha kay Lopez ang 18 ka heat sealed transparent plastic sachets nga may unod sang suspected shabu nga nagabug-at sang 475 grams nga may standard drug price nga 3,320,000 pesos kag iban pa nga drug paraphernalia.
Si Lopez ang maga pangatubang sang kaso nga paghupot kag pagbaligya sang iligal nga droga.