24.1 million pesos ang balor sang gina dumilian nga poultry products ang na intercept sang probinsya sang tuig 2022.
Sa March 1 to December 31, 2022 nga report ni Dr Placeda Lemana, OIC-Provincial Veterinarian kay Governor Eugenio Jose Lacson, 24,106,154.74 pesos ang balor sang poultry products nga gina dumilian ang ila nga na intercept sa mga puerto, airport kag iban pa na entry points sa probinsya.
Ini ang gin ship back sa point of origin ukon gin confiscate.
Sang bulan lamang sang Disyembre, 2.6 million pesos ang balor sang poultry kag poultry related products ang na apprehend.
Pila sa gina dumilian sang probinsya amo ang live wild kag domestic birds, table eggs gikan sa mga lugar nga may kaso sang bird flu.
Samtang, 5,562,871.91 pesos naman ang balor sang assorted pork products ang na apprehend sang African Swine Fever Task Force sa mga puerto, airport kag iban pa gid nga point of entry sang probinsya sa bilog nga 2022.
Padayon man ang pag padala sang Negros Occidental sang baboy sa iban nga mga probinsya. Sang bulan sang Disyembre, 5,681 ka mga baboy ang na pa gwa sang Negros Occidental.