Pagtalana sang P279M pesos nga pondo para sa furniture and equipment ang ginpatpat sang katapo sang konseho para sa walo ka mga proyekto.
Indi para sa Mayor’s office ang masobra P279M nga pondo nga maga gikan sa P4.4B loan agreement.
Sa baylo, ginpatpat ni Councilor Al Victor Espino nga ang pondo ang gintalana para sa furniture and equipment sa walo ka mga proyekto.
Nalakip diri ang para sa iga-construct nga Legislative Building nga may P85M nga pondo, 5 ka mini hospitals sa lima ka mga barangay nga may P65M nga pondo, furnitute and equipment sa iga rehabilitate nga old city hall sa P27M, City Health Complex nga may P30M nga pondo kag Bacolod City Warehouse sa P10M nga pondo.
Nalakip man sa budget para sa furniture and equipment ang P12.2M sa City Engineer’s motor pool, Recovery and Recycling Complex kag Eco Park sa Barangay Felisa sa P47M kag improvement sang tree park sa Barangay Alangilan sa P3M.
Ginklaro man ni Mayor Albee Benitez nga ang P2M nga pondo sa ginakaayo nga Mayor’s Office ang indi lang para sa mga pwertahan kundi nalakipan ang mga bintana kag iban pa.