Tigayon na nga nahatag ang 25,000 pesos nga padya nga gintanyag ni Silay City Mayor Joedith Gallego para sa makahatag sang impormasyon sa nagkawat sang Amorsolo painting.
Suno kay Gallego, ang 25,000 pesos nga iya personal nga pondo ang nahatag na sa informant kag ini ang gin paagi kay Silay PNP Chief Lt Col Mark Darroca.
Suno kay Gallego maayo na man lang gid nga natigayon nakita kag na recover ang malahalon nga Mango Harvesters painting sang national artist nga si Fernando Amorsolo gikan sa Hofilena Museum sa Silay City.
Na recover sang National Bureau of Investigation ang painting sang nagligad nga Biyernes kalakip ang pag aresto pinaagi sa entrapment operation sa Quezon City sanday Ritz Chona Ching Castro kag Donecio Somaylo Escobia.
Sila kuntani ang maga-deliver sang Mango Harvesters painting sa manugbakal sa balor nga P3.5 million pesos.