Duha ka piso nga saka sa plete sa jeep kag P20 nga saka sa plete sa taxi ginaduso sang transport sector sa LTFRB.
Trese na ka mga rehiyon ang nagpatuman sang dugang nga saka sa plete sa mga depasahero nga jeep tuga sang epekto sang pagsaka sa presyo sang produkto petrolyo.
Gani pila man ka mga drayber sa Bacolod ang pabor nga mapatuman ang dugang nga 2 ka piso nga saka sa 11 pesos nga regular fare rate nga ginahinyo sang Western Visayas Transport Cooperative sa Land Transportation Franchising ang Regulatory Board.
Magluwas sa jeep, ginaduso man karon sang Philippine National Taxi Operators Association ang dugang nga P20 sa flag down rate sang mga taxi.
Ginakabalak-an naman ini sang pila ka mga pasahero kasubong sang retired employee nga si Gertrudes Besana bangud masami naga-2 rides siya halin sa iya puluy an sa Barangay Vista Alegre Granada relocation site pakadto sa downtown area.