Matapos makabaton sang tip ang kapulisan nga may yara sang iga smuggle nga sigarilyo, sila ang nagpadulong sa Barangay Pasil, banwa sang EB Magalona, Martes sang gab-i.
Ginsiling ni Police Major Rhazl Jim Jocson, deputy chief sang Talisay PNP, nga gin-transport paagi sa bangka ang mga nasambit nga sigarilyo.
Wala sang may naabtan ang otoridad nga mga persona sa lugar malapit sa baybay kun diin gin-areya ang mga sigarilyo. Wala man sang silyo ukon dokumento nga nakit-an diri.
Suno kay Jocson, ila na nga ginturn-over sa Bureau of Internal Revenue ang mga nasambit nga imported nga sigarilyo.
Ikaduha na ini nga tion nga may nakumpiskar ang EB Magalona Police nga mga smuggled cigarettes, suno kay Jocson.