Narecover sang kagab-i ang 2.8 milyones pesos nga balor sang iligal nga droga sa buybust operation sa Magsaysay Road, Brgy Singcang Airport sa Bacolod City.
Arestado ang subject sang buybust nga si Christine Dacumos, 36 anyos kag gina kabig nga high value individual.
Suno kay Lt Col Arnel Solis, spokesperson sang Police Regional Office 6, pila pa lang ka semana sang ila mabaton ang report angut sa illegal drug operation ni Dacumos nga may bana nga yara karon sa sulod sang presuhan.
May yara na sang impormasyon ang PNP sa karon angut sa iya source apang indi pa mapahayag suno kay Solis.
Walo ka plastic kag 17 ka sachet sang suspected shabu ang nakuha sa iya nga may balor P2,822,000.