May 18 milyones pesos ang balor sang shipment nga gikan Negros Occidental ang apektado kasunod sang pagpatuman sang Cebu sang pork ban batuk sa isla sang Negros.
Suno kay Dr Placeda Lemana, ang OIC provincial Veterinarian, wala sa gihapon maka sabat ang probinsya sang Cebu sa letter of appeal nga ginpadala para kuntani matugutan ang Negros Occidental sa pag pasulod kasubong man pag pa labay sang baboy, pork kag pork meat products sini.
Sa karon, suno kay Lemana, nangita na sang paagi ang mga hog raisers nga tigayon sila sa gihapon maka deliver sang ila nga mga produkto sa iban nga bahin sang Mindanao, Samar kag Leyte bisan pa wala na gintugot sang Cebu nga sila ang maka labay para sa ila nga delivery.
Mas mahal sa karon ang bag-o nga ruta bangud suno kay Lemana mas nag layo.
Naga deliver sa average sang 1,116 ka baboy para ihawon ang probinsya sa Cebu, Leyte, Samar, Luzon kag Mindanao kada semana.
Sa Cebu naga deliver pa gid ang Negros Occidental sang baboy nga lilitsonon kag frozen products.
Sa kabilugan, 18.1 million pesos man ang balor sang sini nga mga delivery nga karon apektado bangud sang banning.
“So nangita na sila other way. Medyo mahal mahal pero at least maka pa gwa sila. Transport cost tungod mapalayo sila. Pero at least may ara sila way kun paano nila mapa gwa ang baboy”, suno kay Lemana.