10,000 pesos ang allowance sang tagsa ka delegates nga nag gikan sa siudad sang Bacolod City para sa paalaboton nga Palarong Pambansa sa Agusan Del Sur.
Ini ang kabahin sang ginpain nga pondo sang siudad nga 17.3 million pesos.
Ginsiling ni Bacolod City Mayor Greg Gasataya nga may 286 ka delegates ang siudad nga mangin tiglawas sang Negros Island Region sa pinakadako nga sporting event sang Department of Education.
Lakip diri ang 188 ka mga atleta, 46 ka mga coaches kag assistant coaches, 36 ka trainers, kag 11 ka chaperone.
Suno sa alkalde, 36 porsyento sang mga tiglawas sant NIR sa secondary level ang gikan sa Bacolod samtang 30 porsyento naman sa elementary level.
Magluwas sini, ginsabat man sang siudad ang transportation kag accommodation sang tanan nga mga delegates.
Samtang, sabton man sang DepEd NIR ang uniforms sang mga atleta.
Magahatag man ang siudad sang isa pagid ka uniform para sa mga taga Bacolod City nga atleta kag mga specialized nga sapatos para sa mga pila ka sporting events.
Nagpasalig man si Dennis Develos, DepEd Bacolod Superintendent nga tinguhaan sang mga student-athletes nga makakuha sang mga medalya sa palarong pambansa.
Natalana nga mapanghatag ang allowance sant mga delegates sa Mayo 15. Mayo 16, amat amat na nga magapadulong ang mga delegates sa Agusan Del Sur.
[sibwp_form id=1]