Masobra sa duha ka kilo sang ginapatihan shabu ang na recover kahapon sang otoridad sa buybust operation sa Barangay Sulodpan banwa sang Bacong, Negros Oriental.
Arestado sa buybust, ang 31 anyos nga si Raul Sabanal.
Duha ka dako kag tatlo ka medium nga sachet sang shabu ang na recover sa suspek.
Ini tanan ginabulubanta naga balor sa P14,960,000.
Si Sabanal ang ginakabig sang Negros Oriental Police Provincial Office nga isa ka high value individual kag siya ang naga serbe man nga bodegero suno sa NORPPO.
Ila pa ginahibalo kun sin-o ang source sang iligal nga droga nga na recover.
Detained sa Bacong PNP si Sabanal kag kaso nga pag lapas sa RA 9165 ang ipasaka batuk sa iya.