Humalin July 23, 2024 tubtob May 22 sini nga tuig, ukon sukat napulo ka bulan nga pagpungko bilang city director ni Police Col. Joeresty Coronica, nakakumpiskar ang Bacolod City Police Office sang P153,546,885 nga balor sang shabu kag marijuana.
Nagikan ini sa 474 ka mga operations nga ginpatigayon, kun sa diin 605 ka mga persona ang nadakpan, 434 sa ila ang makabig pusher, samtang 167 naman ang user kag apat ang mga menor de edad.
Sa mga gindakup, 115 ang ginakabig HVI ukon high value individuals, samtang 490 naman ang SLI ukon street level individuals.
Base sa records sang BCPO, suma total 961 ka mga kaso angut sa Republic Act 9165 ukon Comprehensive Dangerous Drugs Act of 2002 ang napasaka batuk sa mga suspek.